आफुसित भएको सरकारी ताकतले जनताको सेवा गर्ने

गोर्खाल्यान्ड क्षेत्रीय प्रशासनका प्रमुख अनित थापाले, आफुसित सरकारको तागत छ। यो तागत जनताको हितमा प्रयोग गर्ने भन्दै यही तागतको प्रयोग गरेर दार्जीलिङ्ग नगरपालिकाको कर्मचारीहरुको समस्या समाधान गर्ने बताएका छन्। दार्जीलिङ्ग नगरपालिका कर्मचारीहरुको धेरै समस्या छ। त्यही समस्याहरूमाथि विस्तृत चर्चा गर्नु अनि समाधानको बाटो निकाल्नु उनले कर्मचारी अनि नगरपालिकाका बोर्डका सदस्यहरुसँग बैठकमा बसेको थापाले बताएका छन्। बैठकमा नगरपालिका अन्तर्गतका विद्यालयहरुको समस्या, शिक्षकको समस्या, पेन्सनको मुद्दा, नौकरी स्थायीकरणको मुद्दामाथि चर्चा गरेको बताउँदै स्थायिकरणको मुद्दाको कुरा गर्दा 29 जना कर्मचारीको स्थायी हुनु लागेको थियो। तर नगरपालिका भित्रबाट नै यसको बिरोध भएको थापाले बताए। मैले पाइनँ भने अरूले नपाओस् भन्ने मानसिक प्रवृत्ति त्याग्नु पर्ने सुझाउ थापाले दिए।