चौरस्ता-मल रोड सुन्दरीकरण गर्न बिरुवा रोपिने

चौरस्ता-मल रोड क्षेत्रलाई अतिक्रमणमुक्तसँगै सुन्दरीकरण गर्न ३ अगस्त बिरुवा रोपिने अनन्त, अर्पण अनि दावा लेप्चा समुहले जनाएको छ। प्रतिवर्ष बिरुवाहरु रोपेर चौरस्ता अनि मल रोड परिसरमा सुन्दरीकरण गर्दै आएका युवा समुहले यसचोटि बेत लौरी, हाइड्रेञ्जियालगायत एजेलिया फूल प्रजातिका बिरुवाहरु रोपिने उनीहरुले जानकारी गराएका छन्। यसको साथै प्रतिवर्ष हुने उक्त कार्यमा बिरुवा प्रदान गर्दै आउने सहयोगीहरुप्रति आभार जनाउँदै यसवर्ष पनि यस्तै प्रकारको सहयोग गरिदिने अपील गरेका छन्।‌