बाइपास रोड खोलाउन मरमत्तिको कार्य गरिँदै

खरसाङको सुधपा टोलमा गत 8 अगस्तमा गएको पैह्रोले बन्द रहेको बाइपास रोड खोलाउन मङ्गलबारदेखि मरमत्तिको कार्य थालिएको छ। केही दिनदेखि लगातार रुपमा परिरहेको पानी झरीले गर्दा खरसाङको सुधपा टोलमा रोड प्वाल परेपछि कल्भर्ट बन्द भएपछि बाइपास रोड बन्द भएको थियो। उक्त रोड खोलाउन जीटीए प्रमुख अनित थापाको निर्देशनमा थालिएको हो। यस रोडको मरमत्तिको कार्य शुरु भएकोले यो रोड खोलाउन अझै केही समय लाग्न सक्ने क्षेत्रीय सभासद श्याम शेर्पाले जानकारी गराएका छन्। यस रोडको मरमत्तिको कार्य थालिएको विषयमा सभासद शेर्पाले चालकहरुलाई पर्न गएको असुविधाप्रति खेद प्रकट गर्दै यो रोड खोलाउन केही समय लाग्ने हुनाले चालकहरुलाई धैर्य धारण गरिदिने निवेदन गरेका छन्। उनले जनताको असुविधालाई हेरेर रोड मरमत्तिको कार्य शुरु गरिएको जानकारी गराएका छन्।