सूचना अनि सांस्कृतिक विभाग खरसाङ्को आयोजनामा कवि गुरु रवीन्द्रनाथ ठाकुरको वाइसे श्रावण दिवस पालन

खरसाङ, (निसं)ः खरसाङ महकुमा सूचना अनि सांस्कृतिक विभाग अनि सुकना उच्चतर माध्यमिक विद्यालयको संयुक्त आयोजनामा कवि गुरु रवीन्द्रनाथ ठाकुरको वाइसे श्रावण दिवस पालन गरिएको छ। विद्यालयको प्रेक्षागृहमा सम्पन्न कार्यक्रमको अध्यक्षता शिक्षक प्रभारी वीरेन खातीले गरेका थिए। सूचना अनि सांस्कृतिक विभागको अधिकारी अनिर्बन दाम प्रमुख अतिथिको रुपमा उपस्थित रहेका थिए भने विशिष्ट अतिथिको रुपमा दिपककुमार कर्माकार, सत्यजीत मुखर्जी उपस्थित रहेका थिए। शिक्षक कृष्ण छेत्रीले सञ्चालन गरेको कार्यक्रममा नृत्यागनी नृत्य अकाडेमी सिलगढ़ीका कलाकारहरुले नृत्य प्रस्तुत गरेका थिए अनि शिक्षिका लोपामुद्रा घोषद्वारा गीत प्रस्तुत गरिएको थियो। त्यसरी नै सत्यजीत मुखर्जी र तानिया चौधरीद्वारा गीत प्रस्तुत गरिएको थियो। कार्यक्रममा बाह्रौँ श्रेणीका छात्रा सम्पदा छेत्रीद्वारा नृत्य एंव जिया तामाङद्वारा कवि गुरु रवीन्द्रनाथ ठाकुरको छोटो परिचय प्रस्तुत गरिएको थियो। कार्यक्रममा शिक्षक प्रभारी वीरेन खातीले खरसाङ महकुमा सूचना अनि सांस्कृतिक विभागप्रति आभार प्रकट गर्दै कार्यक्रममा उपस्थित सबै शिक्षक-शिक्षिका, विद्यार्थी, कालाकरहरु सबैलाई धन्यवाद दिएका छन्‌‍।