दार्जीलिङ,11 जुलाई(निसं): दार्जीलिङ पुलिसले हराएका मोबाइल फोनहरु मोबाइल फोनका मालिकहरूलाई फिर्ता गर्न सफल भएको छ। दार्जीलिङ पुलिसले बुधबार दार्जीलिङको टाउन हलमा मोबाइल फोन फिर्ता कार्यक्रम आयोजना गर्यो, जहाँ 258 वटा खोजिनिकालेका मोबाइल फोनहरू मोबाइलहरूका वास्तविक मालिकहरूलाई दार्जीलिङ जिल्ला पुलिस अधिक्षक प्रविण प्रकाशको उपस्थितिमा हस्तान्तरण गरियो। 258 मोबाइल फोनहरु मध्ये 108 वटा मोबाइल फोन पहाडी क्षेत्रहरूबाट 150 वटा मोबाइल फोनहरु ग्रामीण क्षेत्रहरूबाट बरामद गरिएका थिए, सबै दार्जीलिङको एसओजी सेलको कडा परिश्रमको कारणले गर्दा हराएका मोबाइल फोनहरु पुनः प्राप्त गर्न सकियो।
यस कार्यक्रम दार्जीलिङ पुलिस अधीक्षक, अतिरिक्त अधिक्षक, मुख्यालय र अन्य वरिष्ठ अधिकारीहरूको उपस्थितिमा आयोजित गरिएको थियो।
यो प्रयासले सार्वजनिक सेवा, सुरक्षा र समुदायसँग विश्वास निर्माण गर्ने पुलिसको प्रतिबद्धता रहेको पुलिस अधिकारीले जनाएको छ।
