महिनाव्यापी श्रीमद वितक साहेब चर्चाको आरम्भ

श्री कृष्ण प्रणामी धर्मको ४०० औं वर्ष पहिलादेखिको प्रमाणिक इतिहास रहेको श्रीमद् वितक साहेब चर्चाको थालनी सबैतिर भइरहेको छ। “श्री कृष्ण प्रणामी मंगल धाम नाम्फिङ बर्मेक” मा पनि श्री कृष्ण प्रणामी धर्मको सिक्किम राज्यको पहिलो महन्त गुरुजी श्री १०८ प्रमोद सुधाकर महाराजजीको मुखारविन्दबाट गत १५ जुलाई २०२५ देखि थालनी भएको छ भने अब१५ अगस्ट २०२५ सम्म चल्नेछ। यो महिनाव्यापी श्रीमद् बितक साहेब चर्चाको आनन्द स्थानीय श्रद्धालु भक्तजनले लिइरहेका छन् भने श्रीमद् वितक साहेब चर्चाको क्रममा श्री कृष्ण प्रणामी धर्ममा नयाँ भक्तजनको पनि जागनी भइरहेको छ। यो सत्रमा विभिन्न आमन्त्रित अतिथिगण लगायत विशिष्ट अतिथिगणको पनि आगमन भइरहेको छ भने कार्यक्रमलाई अझ रोचक बनाउनको निम्ति चर्चा अनुरूपको झाँकी प्रदर्शनी पनि भइरहेको छ। आगामी १६ अगस्टको दिन भव्यतापूर्वक श्री कृष्ण प्राकट्य महोत्सव जन्म अष्टमी पालन गर्दै उक्त वितक सत्रको समापन गरिने जानकारी “श्री कृष्ण प्रणामी युवा परिषद सिक्किम राज्य”का सह प्रचारप्रसार सचिव निशान दुलालले जानकारी दिएका छन्।