‘कान्छी तामाङ स्मृति छात्रवृत्ति पुरस्कार सुदेश वि.क.लाई

‘कान्छी तामाङ स्मृति छात्रवृत्ति पुरस्कार, २०२५’ विद्यार्थी सुदेश विश्वकर्मालाई प्रदान गरियो। बुधबार शंकर नेपाली उच्चतर माध्यमिक विद्यालयमा आयोजित एक भव्य कार्यक्रममा यो पुरस्कार प्रदान गरियो। एक शिक्षिकाको रूपमा ‘कान्छी तामाङले सदा विद्यार्थीहरूलाई उच्च शिक्षा प्राप्त गर्नै अनि सदा अव्वल बन्ने प्रेरणा दिनुहुन्थ्यो। उहाँको नाउँमा प्रारम्भ यस छात्रवृत्ति पुरस्कारले विद्यार्थीहरूलाई सदा प्रेरणा दिइरहने उहाँको परिवारले आशा साँचेको बताइएको छ। यो पुरस्कार प्राप्त गर्ने प्रथम विद्यार्थी सुदेश विश्वकर्मालाई हाम्रो परिवारको पक्षबाट अजस्र शुभकामना अनि बधाई टक्राउँदै उनको उज्ज्वल भविष्यको कामना गरिएको छ।