ओपीडी कक्षमा गुनासो एवं परामर्श डेस्कको थालनी

जनगुनासो एवं परामर्शअनुसार स्वास्थ्य परिसेवामा सुधार गरेर लगिने जीटीए डेप्युटी चियरम्यान राजेश चौहानले बताएका छन्। यसको लागि ओपीडी कक्षामा आजदेखि गुनासो एवं परामर्श डेस्क थालनी गरिएको उनको भनाइ छ। स्वास्थ्य एवं परिवार कल्याण विभागअन्तर्गत शुरु गरिएको उक्त डेस्कमार्फत जनसाधारणले स्वास्थ्यसम्बन्धित सबै प्रकारको गुनासो अनि सुझाउहरु सोझै जीटीए सभामुखकहाँ राख्न सक्ने मिडिया संवादमा जनाएका छन्।
कुराकानीअवधि उनले जिल्ला अस्पतालको लागि केही दिन आइपुगेको नयाँ एमआरआई मेशिनको जडान कार्य सुचारु रुपले चलिरहेको अवगत गराए भने हाल परिसेवा ठप्प रहेको लिफ्ट पुन: चालु गर्न टेण्डर गरिएअनुसार काम भइरहेको जानकारी गराए।