पश्चिम बंगाल सिभिल सर्भिसेस (WBCS) परीक्षामा वैकल्पिक विषयको रूपमा नेपाली भाषालाई समावेश गरिएको छ। यस्तो हुनुमा अजय एडवर्डसद्वारा माननीय मुख्यमन्त्रीलाई पठाइएको पत्रपछिको परिणाम भएको दावि इण्डियन गोर्खा जनशक्ति फ्रन्टले गरेको छ। यसबारेमा फ्रन्टले एउटा प्रेस विज्ञप्ति जारी गरेको छ। जसमा फ्रन्टले यो समावेशी र सशक्तिकरणको निर्णयप्रति सम्पूर्ण पहाडी क्षेत्रका आकांक्षी विद्यार्थीहरूलाई हार्दिक बधाई दिएको छ। यसले गोर्खाहरूको भाषिक पहिचानलाई मान्यता दिएको छ र राज्य सेवामा समान अवसर सुनिश्चित गर्ने दिशामा एक महत्वपूर्ण कदम भएको उल्लेख गरिएको छ।
