अजय एडवर्डको सहयोग समाजघर निर्माण

बिजनबारी, 11 जुलाई(निसं): इण्डियन गोर्खा जनशक्ति फ्रन्ट संयोजक अजय एडवर्डको मुख्य सहयोगमा रेलिङ होमडाँडा स्थिति प्रकृति समाजको भवन निर्माण कार्य शुरु गरिएको छ। स्थानीय रेलिङ- कैजले समष्टि अधिनस्त रेलिङ ग्राममा पर्ने होमडाँडामा प्रकृति समाजको भवन एडवर्डको मुख्य सहयोग तथा समाजवासीको श्रमदानमा शुरु गरिएको थाहा लागेको छ। मुख्य रूपमा इण्डिन गोर्खा जनशक्ति फ्रन्ट दार्जिलिङ-पुलबजार खण्ड संयोजक भरत तामाङले गत केहि महिनाअघि समष्टि भ्रमणको क्रममा उक्त समाजघरको आवस्थालाई हेरी यसबारेमा पार्टीको उच्च अधिकारीहरुसामु पुर्याउने वचन दिएका थिए। उसै बचनलाई पुरा गर्दै तामाङले पार्टी सयोजक एडवर्डसामु समाजको समस्या राखेपछि आफुबाट हुनसक्ने सहयोग गर्ने वचन दिलाएपछि यसैको अनुरुप समाज भवन निर्माण गरिएको समाजको प्रतिनिधिहरुले जनाएका छन् भने यो गुनलाई आफुहरुले कदापि नभुल्ने समेत बताएका छन्।