गोक, 7 अगस्त(निसं): फेरि गोक सडकको अवस्था दिन प्रति दिन बिग्रन्दै गइरहेको छ। बुधबार बिहान जोरथाङ बजारको समान लिएर आएको एउटा माजदा गाड़ी सडकको अवस्था ठिक नभएकोले भित्तामा फसिनु पुग्यो। यस गाडीका चालक दौलत मुखियाले गाड़ी हिलो माटोमा चिप्लेर भित्तामा जोतिनु पुगेको बताए। यसै वर्ष मात्र बनाएको अलकत्रे बाटोको अवस्था यस्तो दयनीय हुनुमा स्तरीय काम नभएको चालक मुखियाले जनाए। अहिले टिस्टा तर्फको सडक बन्द भएकोले चुङथुङ पुल बिजनबारी हुँदै सिक्किम क्षेत्रको साग-सब्जी रसद पानी बोकिरहेको पनि उनले बताए। तर गोक सडक ठाउँ ठाउँमा गाड़ी कुदाउन नसक्ने भएको मुखियाले जनाए। यो सडक मरम्मत भएको एक वर्ष पनि भएको छैन अहिले दयनीय बन्दै गइरहेको उनले बताए।
