स्ममल फूट कार्ट एसोसिएशनद्वारा सफाइ कार्य

मिरिक पर्यटन केन्द्रमा साना साना चिया खाजा विक्री गर्ने ब्यापारीहरूका संगठन मिरिक स्ममल फूट कार्ट एसोसिएशनले शनिबार मिरिक पर्यटन केन्द्रमा बृहत् सफाई अभियान गर्दै मिरिक पर्यटन केन्द्र परिसरमा थुप्रिएका फोहोरलाई संग्रह गरेर उचित ठाँउमा ब्यवस्थापन गरेको छ। उक्त सफाइ अभियानमा मिरिकका विभिन्न संघ संस्थाका सदस्यहरूको पनि सहभागिता रहेको थियो। यस अवसरमा बोल्दै संगठनका अध्यक्ष एंव मिरिक पर्यटन विभाग डे सेन्टरका प्रभारी एटी राईले दुई वर्ष अघिदेखि एसोसिएशनले मिरिक पर्यटन केन्द्र परिसरमा महीनामा दुईचोटी सफाइ अभियान चलाइरहने क्रममा शनिबार पनि व्यापक सफाइ अभियान गरिएको बताए।