दार्जीलिङ,17 जुलाई(निसं): चांँदमुनी नेपाली समाजले आदिकवि भानुभक्त आचार्यको 211औँ जन्म जयन्ती समारोह सम्पन्न गरियो। रामायण पाठबाट शुरू भएको कार्यक्रममा सांस्कृतिक कार्यक्रम, कविता वाचन आदिकवि भानुभक्त आचार्यका कविता पठन, संगीत समारोह र नेपाली संस्कृतिको प्रदर्शन जस्ता कार्यक्रमहरू राखिएको थियो। कार्यक्रममा धेरै सदस्यहरूको उपस्थित थिए भने धेरैले आदिकवि भानुभक्त आचार्यको योगदानको प्रशंसा गर्दै नेपाली संस्कृति र भाषाको संरक्षणमा सहयोग पुर्याउने वाचा गरिएको समाजले बताएको छ।
समाजले बताए अनुसार, आदिकवि भानुभक्त आचार्यको साहित्यिक योगदान भारतीय गोर्खा समुदायमा गहिरो प्रभाव पारेको छ। उनको रामायणको नेपाली अनुवादले गोर्खा समुदायमा नेपाली भाषा र संस्कृतिको प्रसारमा महत्वपूर्ण भूमिका खेलेको छ। गोर्खा समुदायमा आदिकवि भानुभक्त आचार्यको कार्यहरू व्यापक रूपमा पढिन्छन् र उनको कविताहरू सुनिन्छन्। उनको साहित्यिक योगदानले गोर्खा समुदायलाई नेपाली संस्कृति र भाषासँग जोडेको छ। गोर्खा समुदायमा आदिकवि भानुभक्त आचार्यको जन्मदिन जुलाई 13 लाई भानु जयन्तीको रूपमा मनाइन्छ।
