इंग्ल्याण्डविरुद्धको दोस्रो टेस्ट म्याचको लागि भारतको सम्भावित प्लेइङ–११ सार्वजनिक गरिएको छ। हैदराबादमा भएको पहिलो टेस्टमा पराजय भोगेपछि टिम व्यवस्थापनले केही परिवर्तन गर्न सक्ने चर्चा भइरहेको छ। टीम इण्डियाले अनुभव र युवाको संयोजन राख्ने रणनीति अपनाउने सम्भावना छ। रोहित शर्मा कप्तानको भूमिकामा यथावत् रहनेछन् भने यशस्वी जैस्वालसँगै पुनः ओपनिङ गर्ने अनुमान गरिएको छ। शुभमन गिललाई फेरि पनि नम्बर तीनमा मौका दिइनेछ। श्रेयस अय्यर र केएल राहुलको फर्ममाथि प्रश्न उठिरहेका बेला सरफराज खान वा रजत पाटिदारमध्ये एक जनालाई प्लेइङ–११ मा समावेश गरिने अडकलबाजी छ। विकेटकिपिङको जिम्मेवारी केएस भरतलाई दिइन सक्ने बताइएको छ। रविन्द्र जडेजा र आर अश्विनले स्पिन विभाग सम्हाल्नेछन् भने अक्षर पटेल पनि टिममा रहने सम्भावना छ। तीव्र गतिका बलरको रुपमा मोहम्मद सिराज र जसप्रीत बुमराहको जोडी कायम रहनेछ। दोस्रो टेस्ट म्याच २ फेब्रुअरीदेखि विशाखापत्तनममा सुरु हुनेछ। भारत अहिले पाँच टेस्टको सिरिजमा ०–१ ले पछाडि छ।