महकुमा खेलकूद संघद्वारा क्यारम प्रतियोगिता

खरसाङ महकुमा खेलकूद संघको आयोजनामा भईरहेको स्व धर्मे तामाङ, स्व राजु तामाङ र शोभा तामाङ थापा स्मृति क्यारम प्रतियोगिताको उपाधि सिंगलमा ललित सेवाले जितेका छन् भने डबल्समा पनि ललित सेवा र प्रमीर राईको जोडीले जितेको छ। खरसाङको पार्क लोकेशनस्थित सार्वजनिक भवनमा सम्पन्न दुई दिवसीय क्यारम प्रतियोगिता 28 जून शनिबारदेखि शुरु भएको थियो भने 29 जूनको दिन दुवै वर्गको सेमी फाइनल र फाइनल खेल सम्पन्न भएको थियो। पहिलो सेमी फाइनल खेलमा प्रभास थापा र विकास छेत्रीको‌ जोडीलाई विपन आले र अभिषेक गोयलको जोडीले जितेर फाइनलमा प्रवेश गरेका थिए। दोस्रो सेमी फाइनलमा ललित सेवा र प्रमीर राईको जोडीले जितेर फाइनलमा प्रवेश गरेको थियो। फाइनल खेलमा विपन आले र अभिषेक गोयलको जोडीलाई ललित सेवा र प्रमीर राईको जोडीले 20-23 को अन्तरले जितेर स्व धर्मे तामाङ, राजु तामाङ र शोभा तामाङ थापा स्मृति क्यारम प्रतियोगिताको‌ डबल्सको उपाधि जितेको छ। त्यसरी नै सिंगलमा ललित सेवाले गत वर्षको च्याम्पियन नकुल छेत्रीलाई पराजित गरेर उपाधि जितेका छन्।