डा. कुमारको मन्तव्यप्रति तामाङको प्रतिक्रिया

जीटीएका पूर्व प्रमुख र वर्तमान सभासद विनय तामाङले बताएका छन् , डा. अजय कुमार, पूर्व सांसद एवं आईपीएस अफिसर अनि काँग्रेस पार्टीका प्रवक्तालाई यति पनि थाहा रहेनछ कि सिक्किम भारतको २२औं राज्य अनि अभिन्न अंग हो भनेर। जुन राज्यका आम नागरिकहरूले यस वर्ष भारतमा समाविष्ट भएको ५० वर्षमा स्वर्ण वर्ष मनाइरहेका छन्। डा. अजय कुमारले एक प्रेष भेलामा सिक्किमलाई भारतको छिमेकी राष्ट्रको रूप सम्बोधन गरेका छन्। सिक्किम सरकार अनि सिक्किमे जनताले यसको विरोध गर्न नितान्त आवश्यक छ। डा. अजय कुमारले पछिबाट Tongue Slip भयो भनेर हल्कासित लिएका छन्।
५०औं वर्षगाँठको लोगो प्रयोग गरिन्दा सिक्किम सरकारले दार्जीलिङ-कालेबुङका सामाजिक अभियन्ताहरूलाई आपराधिक मुद्दा दायर गरी पक्राउ गरे अनि जेलपनि पठाए। डा. अजय कुमारले सिक्किमलाई अलग देश भनी सम्बोधन गरेका छन् – यो त अति संवेदनशील, गम्भीर अनि देश विरूद्ध बयान हो – सिक्किम सरकारले डा. अजय कुमारमाथि आपराधिक अनि देश विरोधी मुद्दा लगाउॅछ कि लगाउॅदैन ? चासोको विषय भएको सभासद विनय तामाङले बताएका छन्।