विनय अनि जिम्बाद्वारा पद्मश्री सानु लामाप्रती शोक श्रद्धाञ्जली 

दार्जीलिङ,14 जुलाई(निसं): सिक्किम राज्यले आफ्ना एक उज्याला नक्षत्रलाई गुमाएको छ। शनिबार  पद्मश्री सानु लामा जसको जन्म गडुलसिंह लामा नाममा भएको थियो। उनले सिलगुड़ीस्थित एक निजी नर्सिङ होममा 86 वर्षको उमेरमा अन्तिम सास लिएका थिए भनी दार्जीलिङ विधायक निरज जिम्बाले श्रद्धाञ्जली अर्पण गरेका छन्।

जिम्बाले भनेका छन्, सानु लामा केवल एक लेखक वा गीतकार मात्र होइन, एक मौन, सुसंस्कृत चेतनाका शिल्पी थिए। आधुनिक नेपाली कथासाहित्यका एक अगुवा, वाल्यकालको मिठास बोकेका गीतका सिर्जनाकार, अनि कठोर समयहरूमा पनि नैतिक आवाज बनेर उभिने काव्यिक आत्मा। उनको रचनाहरू आत्मीय थिए, व्यापक थिए , ती व्यक्तिगत पनि थिए, र राजनीतिक समेत।

उनको अमर कविता जहाँ बग्छ टिस्टा रंगीत, केवल एक भौगोलिक दृश्यचित्र होइन, त्यो पहिचान, राष्ट्रियता र अस्तित्वमाथिको गहिरो दार्शनिक चिन्तन थियो। बालापनको आँगन त्यागेर- जस्ता प्रारम्भिक गीतहरू आज पनि हामीमध्ये धेरैका स्मृतिमा जीवित छन्।

सानु लामाको साहित्यिक प्रतिभा कुनै एक विधामा सीमित थिएन। उनी उपन्यासकार, कवि, गीतकार, अनुवादक , जे भए पनि, उनका शब्दहरू सरलता, आत्मीयता र गरिमासँग सदा बोल्थे। उहाँलाई साहित्य अकादेमी पुरस्कार, सिक्किम भानु पुरस्कार, डा. शोभा कान्ति थेगिम स्मृति पुरस्कार, मदन

जिम्बाले भनेका छन् , उनको निधनले सिक्किम र नेपाली भाषी समुदाय मात्र होइन, सम्पूर्ण भारतीय साहित्यिक क्षेत्रमा एक अपूरणीय रिक्तता छाडेको छ। क्षतिलाई व्यक्तिगत रूपमा पनि अत्यन्त गहिरो रूपमा महसुस गर्दैछु,एक आजीवन पाठक, एक साहित्यका साधक, अनि ती पहाडहरूको सन्तानको नाताले, जसलाई उनले आफ्ना शब्दहरूमा अमर तुल्याउनु भयो। सिक्किमको सम्पूर्ण जनसमुदाय, सम्पूर्ण नेपाली साहित्यिक परिवेश, र मेरो आफ्नै परिवारको तर्फबाट म उनीप्रति भावपूर्ण श्रद्धाञ्जली अर्पण गर्दछु। साथै, उनका परिवारमा समवेदना प्रकट गर्दछु।

वरिष्ठ साहित्यकार सानु लामाको निधनले स्तब्ध भएको छु । स्वर्गीय सानु लामा पद्मश्री पुरस्कारले सम्मानित व्यक्तित्व साथै गोर्खा समाजको गौरव थिए भनी शोक श्रद्धाञ्जली अर्पण गर्दै दार्जीलिङ पहाडका एक प्रखर नेता, भुतपुर्व प्रमुख तथा वर्तमान सभासद,