मिरिक 30 जून ( निसं): थर्बू, बहादुर गाउँमा हाल भइरहेको एन्टी ड्रग क्याम्पेनलाई गम्भीरता पुर्वक विषय लिएर गाउँका अग्रज साथै सचेत युवा हरुको एक जरुरी सभा प्रमित राईको अध्यक्षतामा सम्पन्न गरियो।
उक्त सभा मा पञ्चायत समिति सदस्य समिर राई, पञ्चायत सदस्य दिमुक तामाङ, जेष्ठ नागरिक सिपक राई,लेखनाथ राई, देवदास राई, सुरेश राई उपस्थित थिए भने सचेत युवाहरु रोमन राई,युगल राई, नवदिप राई, पारस राई,आकाश राई आदि को उपस्थिती रहेको थियो।
सभामा, अहिले को समाजको सबै भन्दा ठुलो समस्या ड्रग्स सम्बन्धमा लामो चर्चा परिचर्चा भयो,जसमा गाउँ भित्र कुनै त्यस्तो ड्रग्स सम्बन्धी कुनै चहल पहल देखिएमा कडा कार्वाही गाउँले नै गर्ने त्यस पछि मात्रै कानुनी कार्रवाई गर्ने कुरामा सबैको सहमति भए। उक्त सचेत युवा हरुको टोलीले सबैलाई सचेत बसेर आफ्नो गाउँ समाजलाई यो ड्रग्सको कुलत बाट जोगाउन अघि बढ्ने सन्देश पनि दिएका छन्।
