घर-घर लाहुरे समूहद्वारा सचेतना कार्यक्रम आयोजित

भारतीय सेनामा भर्ना हुन चहानेहरूलाई आवश्यक प्रशिक्षण प्रदान गरिरहेका घर-घर लाहुरे समूहले बिहीबार मिरिक ब्यवसाय संगठन भवनमा एउटा सचेतना कार्यक्रमको आयोजना गरेको थियो। कार्यक्रममा जेआरडीका सुवेदार मेजरहरू सागर गुरूङ अनि धिरज थापाले सेनामा भर्ना हुन चहानेहरूलाई आवश्यक विस्तृत जानकारी गराउँदै नियमवालीहरूबारे बताए। समूहका मिरिक प्रमुख अवकाशप्राप्त सुवेदार मेजर सुनिल तामाङले घर-घर लाहुरेले युवाहरूलाई भारतीय सेनाहरूमा भर्नाको लागि अभिप्रेरित गरिरहेको अनि धेरै युवाहरू सेनामा भर्ना भएर उज्जवल भविष्य निर्माणमा लागिपरेको बताए। सेना भर्नामा युवाहरूलाई अभिप्रेरित गर्न सचेतना कार्यक्रम गरिएको बताए।