“अन्तर्राष्ट्रिय कराँतेमा हिमांशु लकान्द्रीले जिते स्वर्ण पदक”

गत 25 देखि 27 जुलाई 2025 कलकत्तामा आयोजित “9th International Karate Championship 25” मा मंग्पुका प्रतिभाशाली कराते खेलाडी हिमांशु लकान्द्रीले ठूलो उपलब्धि हासिल गरेका छन्। Kumite विधामा उत्कृष्ट प्रदर्शन गर्दै हिमांशुले स्वर्ण पदक (Gold Medal) प्राप्त गरेका छन् भने Kata (काता) विधामा रजत पदक (Silver Medal) जिेतेका छन्। मन्दीप लकान्द्री र श्रीमती स्नेहा लकान्द्रीका सुपुत्र हिमांशु हाल Ichiban Sports Academy बाट कराँते प्रशिक्षण लिँदै आएका छन् र सन्त मंगल एकाडेमीमा अध्ययनरत् छन्। हिमांशु लकान्द्रीले पहिले पनि विभिन्न राष्ट्रिय तथा अन्तर्राष्ट्रिय प्रतियोगिताहरूमा ७ वटा स्वर्ण पदक जितिसकेका छन्। प्रशिक्षक राज प्रधान अनि रेजोम तामाङको प्रशिक्षणमा अगाडि बढिरहेका हिमांशुले हालै Ichiban Sports Academy बाट “बेस्ट फाइटर अफ द इयर” को उपाधि समेत प्राप्त गरेका छन्।