जोन बक्सिङ्ग क्लबद्वारा बक्सिङ्ग क्याम्प आयोजित

लाली गुराँस समाज घर, राज फाप्रीमा तीनदिने बक्सिङ्ग क्याम्पको आयोजना गरिएको थियो। जोन बक्सिङ्ग क्लब, सालुगडाको तत्वावधानमा आयोजना गरिएको थियो। माउन्ट जाइन स्कूल, मङपङका 17 जना विद्यार्थीहरूलाई लिएर आयोजित उक्त क्याम्पमा जोन बक्सिङ्ग क्लबका संस्थापक सागर मुखियाद्वारा बक्सिङ्ग बारे सम्पूर्ण कुराहरू सिकाइएको थियो। स्मरण रहोस् जोन बक्सिङ्ग क्लबकै विद्यार्थी त्रिलेखा गुरूङ, जो वर्तमान राष्ट्रिय खेलाडी बनिसकेकी छिन्, र हरियाणामा प्रशिक्षण लिइरहेकी छिन्। आइतबार आयोजित उक्त क्याम्पको समापन समारोहमा त्रिलेखाकी आमा श्रीमती बुनु गुरूङ प्रमुख अतिथिको रुपमा उपस्थित थिइन्। क्याम्पका सहभागी सम्पूर्ण विद्यार्थीहरूलाई प्रमुख अतिथिकै बाहुलीबाट प्रमाणृपत्र वितरण गरिएको थियो।
सागर मुखियाले बताए अनुसार यस्तो क्याम्प प्रति वर्ष आयोजन गरिँदै आएको छ, र अघाडि पनि गरिँदै जानेछ। यसर्थ अभिभावकहरूले आफ्ना नानीहरूलाई बक्सिङ्ग क्षेत्रमा अघाडि पठाउन चाहे सागर मुखियालाई 89184 44314‬ मा सम्पर्क गर्न अनुरोध गरिएको छ।