पशु-प्राणीलाई लिएर स्वास्थ्य शिविरको आयोजन

खरसाङ, 15 जुलाई (मोहन प्रसाद): खरसाङस्थित मन्टभिएट ग्राम सुधार समिति अनि मन्दिर निर्माण कमिटीको संयुक्त तत्वाधानमा साथै राज्य पशु–प्राणी विभाग खरसाङको सहयोगमा खरसाङस्थित मन्टभिएट चिया बगानको तीन नम्बर सार्वजानिक भवनमा एउटा विशेष स्वास्थ्य शिविरको आयोजना गरियो । पत्रकारहरूलाई उक्त शिविर बारे जानकारी गराउँदै मन्टभिएट ग्राम सुधार समितिका अध्यक्ष प्रणय रोकाले जनाए अनुसार समितिद्वारा जनमानसको हितमा वर्षेनी विविध कार्यक्रमहरू आयोजना गरिने गरिन्छ । जनमानस संगै मानिसको दायित्व पशु–प्राणीको हितमा पनि कार्य गर्न पनि हो। गाँउमा रहेका पशु–प्राणीमा रेबिज जस्ता घातक रोगका साथैे अन्य रोगहरू नफैलिएओस् भन्ने कुरोलाई ध्यानमा राखेर पशु स्वास्थ्य शिविरको आयोजना गरिएको हो। यस शिविरमा भुस्याहा कुकुरहरू लगभग 30 वटा पाल्तु कुकुरहरूलाई अनि 20 वटा बिरालोलाई एन्टी रेबिजको खोप लगाईयो अऩि कुकुर अनि बिरालोको आँखा अनि कानको स्वास्थ्य –जाँच पनि गरियो। शिविरमा क्षेत्रमा रहेका लगभग 80- 90 वटा सुँगुरलाई विटामिन अनि जुगाको दवाई दिईयो।लगभग पाँच वटा गाई अनि 10-12 वटा खसी–बाख्रालाई भिटामिन बी कम्प्लेक्स, क्याल्शियम अनि डायरियाको दवाई पनि खुवाइयो । यसक अतिरिक्त 3 सय कुखुरैक निम्ति भिटामिन बी कम्प्लेक्सको तरल दवाई गाउँवासीमा वितरण गरियो। कार्यक्रममा भेटेनेरी डाक्टर सुडेनला छिरिङ भुटिया, तिनका सहयोगी अनिता रसाइली, सोना लामा साथै प्रतिभा योञ्जनको उपस्थिति थियो। त्यसरी नैग्राम सुधार समितिका अध्यक्ष प्रणय रोका संगै सचिव आशिष राई, प्रमिला सुब्बा, सरोजा राई , संगीत विश्वकर्मा अनि अन्य सदस्यहरूको उपस्थिति थियो भने  मन्दिर निर्माण कमिटीको पक्षबाट वीरमान तामाङ, सृजना तामाङ, तारा तामाङ, सुधा सुब्बा, सुवर्ण राई, निलम तामाङ अनि अन्य सदस्यहरूको उपस्थिति थियो । रोकाले भने, आउँदो दिनमा पनि यसरी नै सबैको सहयोगमा पशु–प्राणीको निम्ति कार्य गरिनेछ । सबैले यी नबोल्ने पशु–प्राणीहरूलाई माया साथै सेवा गर्न आवश्यक रहेको छ।