गोर्खा रैथाने हाटद्वारा बेरोजगार लाभान्वित

मिरिक झील परिसरमा लाग्ने मिरिक गोर्खा रैथाने हाटले स्थानीय बेरोजगारहरूलाई रोजगारको दिशामा अग्रसर गराउन अहम भूमिका पालन गरिरहेको देखिएको छ। लगभग दुई बर्षअघि शुरू भएको मिरिक गोर्खा रैथाने हाटमा लगभग पचासवटा स्टलहरू रहेको छ। जहाँ जातीय परिकार, साग सब्जी, मासु, हस्तकला, फूल आदि विक्रीमा राखिएको छ। मिरिक पर्यटन केन्द्रमा देश विदेशका पर्यटकहरू पनि आउने गरेका छन्। जसले पनि मिरिक गोर्खा रैथाने हाटमा खरीद गर्ने हुनाले हाटको बेग्लै महत्त्व रहेको छ। हाटमा काष्ठकला विक्री गरिरहेका पुजन घिसिङले हाटले धेरै मानिसहरूलाई स्वनिर्भर बनाएको जानकारी गराउँदै यस्तो हाट ठाउँ ठाउँमा लाग्न अति आवश्यक रहेको बताए।