खरसाङ पञ्चायत समिति अनि सिटोङ (1,2,3) ग्राम पञ्चायतको संयुक्त आयोजनमा बुधबार सिटोङ (1) अवस्थित घलेटार सार्वजनिक भवनमा जमिन सम्बन्धि समस्या समाधान एक कार्यक्रम सम्पन्न भयो।
कार्यक्रममा खरसाङ ल्यान्ड एण्ड ल्यान्ड बिभागका एसडिएलपिओ, आरआइको उपस्थितिमा क्षेत्रवासीले आफ्नो जमिन सम्बन्धित बिषयहरु बारे कार्य गरे। यस कार्यक्रममा बिशेष रुपले जनहरूको सहयोगार्थ खरसाङ पञ्चायत समिति सहकारी सभापति नारायण थापा, कर्माध्यक्ष (वनभूमि) भक्तिमान तामाङ, कर्माध्यक्ष (खुद्रा-शिल्प) बिरेन्द्र तामाङ, पञ्चायत समिति सदस्य एन्ड्र्यु सुब्बा, योङमीत लेप्चा, बिकास थापा, सिटोङ (1) ग्राम पञ्चायत प्रधान सुशील सुब्बा, उप-प्रधान नरेश खवास, सिटोङ (2) ग्राम पञ्चायत प्रधान समीर कार्की, सिटोङ (3) ग्राम पञ्चायत उप-प्रधान लाडुप लेप्चा, सिटोङ (1,2,3) ग्राम पञ्चायत सदस्यहरु एलबी थापा, बिगेन भुजेल, दिपा भुजेल, निलम तामाङ आदिको उपस्थिति रहेको थियो। यस कार्यक्रमले सबै क्षेत्रलाई नसमेटेको कारणले आगमी दिनहरुमा प्रत्येक ग्राम पञ्चायतहरुमा गर्ने जानकारी दिइएको छ।
