घर निर्माणको लागि रहल रकम भुक्तान गरिने

हाउस फर अल स्कीमद्वारा मिरिक नगरपालिकाका बासीको लागि निर्माण गरिने घरको रहल रकम मिरिक नगरपालिकाले भुक्तान गर्ने भएको छ। उक्त योजना अन्तर्गत मिरिक नगरपालिकाले यहाँको नौवटा वार्डका सबै बासिन्दाहरूलाई पक्का घर निर्माण गर्न शुरूमा रकम भुक्तान गरेको थियो भने अब रहल रकम पनि भुक्तान गर्ने भएको छ। रहल रकम भुक्तान गर्ने सूचना जारी गरेपछि शुक्रबारदेखि नै मिरिक नगरपालिका कार्यालयमा आवश्यक कागज बुझाउने लाभार्थीहरूको भीड लागेको छ। यस अवसरमा बोल्दै मिरिक नगरपालिका अध्यक्ष एलबी राईले विस्तृत जानकारी दिएका छन्।