पहिलो चरणको सिसी ढलाईको कार्य समाप्त भएपछि बुधबारदेखि मिरिक बजार बौधी गोलाईबाट मिरिक बस्ती हुँदै मरमासम्म पुगेको सडकमा यातायात सुचारू भएको छ। मिरिक थर्बु डुप्टिन समष्टिका सभासद मिलेस राईले स्थानीय मन्दिरमा पुजा अर्चना गरेपछि यातायात सुचारू गरिएको हो। यस अवसरमा मिरिक पन्चायत समितिका सदस्य बुद्ध लेप्चा, पहिला गाउँ स्कुल डाँडा ग्राम पन्चायत दुईका उप प्रधान किस्मत सुब्बा, नारी शक्ति मिरिक महकुमा अध्यक्ष श्रीमती गणिता गुरूङ, मरमा मिरिक बस्ती चालक संगठनका सचिव रवि छेत्री, युवा नेता नर्बु लेप्चालगायत स्थानीय मानिसहरूको व्यापक उपस्थिति रहेको थियो।
