चुङथुङं18जून(निसं): स्काई वक झोलुङ्गे पुल बालुवबासमा प्रति दिन घुम्न आउनेहरुको भीड देखिन थालेको छ। गत 13 जून शुक्रबादेखि नाल डाँडा बाटोको उद्घाटन भएदेखि यसो स्थानीय मानिसहरू लगायत पर्यटकहरू धेरै आउन थालेका छन्। अहिले बाटोको सुविधा भएर नै गाड़ी, स्कुटी बाईक आदिमा घुम्न आउनेहरुको भीड बढ्न थालेको नाल डाँडा गाउँ निवासी सुदेश खवास, सुरज तामाङ आदिले जनाए। गर्मी धेरै छ तर पनि स्थानीय लगायत बाहिरका पर्यटकहरूको आगमन बालुवाबासमा भईरहेको खवास र तामाङले बताए। पुल-बिजनबारी क्षेत्रमा धेरै होम स्टेहरु छन् जहाँ आउने पर्यटकहरुको निम्ति बालुवा बासमा निर्मित स्काई वक झोलुङ्गे पुल पनि एउटा थप पोइन्ट हुन गएको छ। यस बाहेक अझ थप योजनाहरू बालुवा बासमा निर्माण भए बालुवाबास धेरै रमाईलो अनि महत्वपूर्ण भएर जाने प्रशस्त सम्भावनाहरु देखिन्छ। जहाँ धेरै पर्यटकहरूको आगमन हुनु भनेको नै बेरोजगारहरुको
निम्ति रोजगारको व्यवस्था हुनु हो। गत 13 जुनको दिन आयोजित नाल डाँडा बाटोको उद्घाटन कार्यक्रममा प्रमुख अतिथि अजय एडवर्डले थप योजनाहरू केफे, जिपलाइन आदि निर्माण गर्ने कुराहरु पुनः दोहोर्याएका थिए।
