साँप भोटिएकोले मानिसहरूमा चिन्ता

खरसाङ, : खरसाङ्को विभिन्न स्थानमा अहिले गुर्बे अनि अन्य प्रजातिका साँपहरू पाइन्दैछन्‌‍। खरसाङ्को डुमारा बस्ती, शितलु बस्ती, शेर्पा बस्ती, डाउहिल अनि अन्य धेरै स्थानमा अहिले साँप निस्किरहेको अथवा मानिसहरूले साँप भेटिरहेको बताएका छन्‌‍। कतिपयले आफ्नो घरभित्र, घरको बरण्डामा, फूलको गमलामा साँप भेटेको बताएका छन्‌‍। कतिपयले बाटो वा सड़कमा साँप भेटेको बताएका छन्‌‍। माथिल्लो डुमाराम बस्तीका एक व्यक्तिले आफ्नो पितालाई गुर्बे साँपले डसेकोले अस्पतालमा भर्ती गर्न परेको बताएका छन्‌‍। डुमाराम बस्तीकै एक व्यक्तिले आफ्नो घरको पर्खालको प्वालमा साँप देखेपछि आत्तिएको बताएका छन्‌‍। वर्तमानमा खरसाङ लगायत पहाड़ी क्षेत्रमा मधेशको जस्तो गर्मी भइरहेकोले साँपको संख्यामा वृद्धि भएको हुन सक्ने मानिसहरूको अड़कल रहेको छ। वर्तमानमा स्थानीय प्रजातिका साँपको अतिरिक्त मधेशमा पाइने विषालु किङ्‌‍ कोबरा पनि पहाड़को विभिन्न स्थानहरूमा पाइएकोले मानिसहरूमा चिन्ता बढ़ेको छ।